【待嫁叮叮】我咁靚你竟然用老套戒指盒求婚?

Text | 待嫁叮叮

經常發白日夢、終日幻想同拍拖12年嘅男朋友結束愛情長跑嘅恨嫁中女。與其得個等,不如自己婚禮自己搞掂,男朋友空出時間同我完成就得!咁樣我仲嫁唔出?不過亦都奢望男朋友會睇到呢個專欄而自己偷偷地準備一切。

求婚戒指上次幫你揀埋,跟住落嚟要準備咩都要我教?就喺裝住隻鑽石戒指嘅戒指盒啦!你一定會話,戒指盒用返附送嗰個咪得囉!喂呀,你點可以咁求其㗎,宜家喺同我求婚呀,一生人得一次,認真啲花啲心思好冇?我唔喺話品牌戒指盒唔好,只喺想你為我一生人一次嘅被求婚來得更有浪漫更有心思。所以盒我都幫你揀埋㗎啦!我要嘅唔喺就咁一個四四方方嘅盒,而要你有諗過、設計過、全世界得一個、為我而設嘅求婚戒指盒。

ninbox-box_wedding-ring-box-with-flower_2

鮮花類

喺女人都鐘意花,你識我咁多年都知我特別鐘意花,所以我想你設計嘅戒指盒都帶有花嘅元素。嗱!我唔要老套嗰啲㗎,所以我就搵咗啲reference俾你跟下!

Screen Shot 2018-02-15 at 4.14.25 PM

將兩樣我最愛嘅花同求婚戒指擺埋一齊,我仲會有say no嘅理由嗎?我自己就最鐘意透明金屬盒配少量鮮花,記住呀喺鮮花,唔好用假花同乾花呀!一嚟唔好意頭,二嚟出嚟個效果好差㗎,冇鮮花咁靚,你知啦,我要影相放上instagram呃like㗎嘛,我一向俾人嘅感覺都喺買靚嘢、用靚嘢、著靚嘢,你要我嗰求婚戒指盒入面喺假花?NO WAY!!

Screen Shot 2018-02-15 at 4.13.36 PM

海洋類

唔好話我成個花癡咁啦,除咗花,海洋嘢我都鍾意嘅!但如果你決定用海星或者貝殻做戒指盒,咁你選擇同我求婚嘅地方就一定要喺海灘啦!For your reference,唔好去香港沙灘就咁用一堆石頭砌個心形求婚呀!老套程度達10000000! 我有形象㗎,咁老套,我班friend一定喺背後笑我。求婚地方我遲下會講,一步一步嚟!

Screen Shot 2018-02-15 at 4.37.18 PM

我個人嚟講就鍾意貝殼入面加上少少珍珠,淨貝殻就會太單調,加迷你海星同珍珠,高貴得嚟又有海洋氣息,幾襯我優雅脫俗嘅個性。

Screen Shot 2018-02-15 at 4.36.45 PM

文青類

最後一款我睇得上眼嘅戒指盒呢,就喺文青款式!我暗啞底都叫做一位偽文青嚟嘅,要我扮文青影相冇難度,所以你用木盒嚟做戒指盒我都接受嘅,咁樣俾人覺得我唔係太拜金,當然最重要都喺隻求婚鑽石戒指啦!

box07_21_139_2-1_grande

木盒咩形狀我都有講究㗎,最好就圓形啦,鍾意呢啲真喺冇得解,純感覺,就好似我鍾意你咁樣都冇得解!可能我覺得圓形唔喺四四方方,冇咁死板,細細個,容易收藏啦!另外如果搵唔到啲靚木盒,一個細細地加上少少鮮花嘅鳥巢都唔錯㗎,好似比喻緊我同你之後會成雙成對結伴,喺忠貞不渝又永恒愛情嘅象征!

螢幕快照 2018-02-19 下午5.20.01

求婚戒指同戒指盒我都揀好咗啦,下一步喺同鑽石戒指一樣咁重要嘅花!淨喺講花我都可以講足三百六十五日,因為我鍾意嘅花有幾種,有排講!如果姊妹們你同我一樣對花咁有要求嘅,下星期一定要記得睇我篇文,希望到時你一邊睇一邊點頭表示同意啦!