【待嫁叮叮】求婚你淨係送玫瑰?

Text | 待嫁叮叮

經常發白日夢、終日幻想同拍拖12年嘅男朋友結束愛情長跑嘅恨嫁中女。與其得個等,不如自己婚禮自己搞掂,男朋友空出時間同我完成就得!咁樣我仲嫁唔出?不過亦都奢望男朋友會睇到呢個專欄而自己偷偷地準備一切。

我係一個港女、一個花癡,如果你同我求婚淨係得戒指冇花收,Sorry!我咁恨嫁都要諗一諗應唔應承你嘅求婚呀!不過我又唔想咁老套,你送99支玫瑰花俾我,好俗套㗎大佬,同埋10個男人有9個都會用99支玫瑰花求婚,你又跟住送,唔夠特別囉!玫瑰我鍾意,特別係紅色,但都唔代表我接受到拎住咁大紮玫瑰周街行㗎嘛!唔好話我唔醒你,我想有以下呢幾類花,咁樣我就會好開心好幸福咁say “ I do! ”啦!

27982982_1834497499902061_9181706292128275698_o

除咗玫瑰,繡球花就係我第二最愛,你重記唔記得有年情人節你淨係送咗繡球花俾我?雖然我係鍾意,但我都唔係期望只喺收到繡球花㗎嘛,所以到求婚呢個重要時刻,就更加冇可能只得玫瑰花,連花鋪我都幫你搵埋㗎啦,咁樣我就可以確保你買嘅花係最新鮮同最靚,我都係唔想浪費你一番心意同金錢咋,你明白我嘅苦心嗎?

Screen Shot 2018-03-06 at 5.01.17 PM

繡球花嘅花語係忠貞、永恆同希望,所以連埋玫瑰花同我求婚就最好啦!繡球花我就最鍾意粉紅色同粉紫色,好有仙氣,同我好襯,配埋紅玫瑰都好夾架。最重要係Hahahaflorist有入Double Layer繡球花,靚到好似摺紙花咁挺,又大又圓,好似我嗰人咁得意,真係會令人一見鍾情呀!

Screen Shot 2018-03-06 at 5.05.54 PM

如果你唔想煩,你可以將我想要玫瑰花加繡球花嘅要求話俾Liana Floral Couture知,咁嗰度嘅花藝師就會幫你攪掂哂㗎啦!佢嘅玫瑰又大又紅,擺一個星期都唔會謝,可以將我嘅喜悅延長。另外紮住紮花嘅絲帶同紙係好緊要㗎,記得記得唔好俾cheap嘢我,你知啲cheap嘢一望就知,呃我唔到㗎!

16472938_1820439408217136_8769608840242155405_n

最後一間花店就喺中環置地廣場嘅 Ellermann Flower Boutique,佢哋風格隨意優雅同鬼馬,而且鍾意用葉同令人驚訝嘅花構成組合,隨意又唔對稱,往往就係咁先會有驚喜。其實都幾襯我嘅風格,無定向,要你捉我心理,但係永遠都鍾意驚喜。

Screen Shot 2018-03-06 at 5.44.02 PM