【待嫁叮叮】戒指都幫你買埋仲唔求婚?

Text | 待嫁叮叮

經常發白日夢、終日幻想同拍拖12年嘅男朋友結束愛情長跑嘅恨嫁中女。與其得個等,不如自己婚禮自己搞掂,男朋友空出時間同我完成就得!咁樣我仲嫁唔出?不過亦都奢望男朋友會睇到呢個專欄而自己偷偷地準備一切。

每次聽到「幾時到你嫁呀?」,答案我自己都想知道!有得嫁我會唔會唔嫁呀?企喺到等你問?但冇人娶嘛!男朋友我唔係冇,我有一個對我好好、非常非常錫我、同佢已經拍咗拖12年的男朋友,咁你一定會問點解仲唔嫁?或者喺時間問題啦,Timing一到,所有嘢都會發生!呢句話好老套?但就喺呢啲「心靈雞湯」每日都在安慰一個恨嫁嘅我。淨係等都唔係辦法,畢竟我都等咗12年,由16歲的青春少艾到今日即將29+1,倒不如反客為主,自己準備求婚鎖事、拍婚紗照、婚禮等事項,男朋友只需空出時間和我完成,咁樣我就一定嫁杏有期啦!

wesley-tingey-178030

結婚第一步當然喺求婚,鑽石戒指唔洗問當然越大越好,不過如果佢買咗粒方形鑽俾我,一睇就知我唔會鐘意啦喺咪,咁唔通唔嫁呀?所以我宜家就連鑽石戒指都幫你揀,一來我自己唔會唔鐘意,二來幫你慳返時間搵,一舉兩得。另外卡數都喺好逼切性嘅問題,雖然話卡數大小同你對我嘅愛唔成正比,但如果細到要放大鏡先睇到,咁我好懷疑你嘅誠意。而且我一班姊妹、朋友、同事只要見到邊個手上有求婚戒指都會暗地裡比較邊個果粒最大最閃,我唔想俾人講成世,我唔洗好大粒好大卡,只要望上去好閃就夠㗎啦!以下喺我呢幾年搜集返黎而我又睇得上眼嘅戒指。

Bvlgari

Bvlgari

我自己就最鐘意Bvlgari呢隻圓形鑽石戒指啦,粒石夠大唔再講,指環上仲有碎鑽加持,完全符合我對戒指嘅要求,款都幫你揀埋,你仲唔識去買?

(Left) Van Cleef & Arpels  (Right) De beers

(Left) Van Cleef & Arpels
(Right) De beers

Tiffany & Co.

Tiffany & Co.

唔好問我點解鍾意圓形鑽石戒指,鍾意就鍾意,冇得解釋,女人就喺咁㗎啦,唔好問點解,我幫你揀埋你仲咁多野問?因為一個字!靚囉!喺靚嘅我就鍾意㗎啦,乜唔係嘅咩?如果你budget冇咁多,唔洗一定買BvlgariVan Cleef & Arpels或者Tiffany & Co.嘅,當然喺呢啲品牌就最好啦,我港女黎架嘛,不過唔喺都無所謂,我都幫你揀咗啲中價位嘅。

日本品牌Lapage

日本品牌Lapage

Lapage 呢個品牌有「京都巴黎」之稱,由生活喺巴黎嘅Muneko Ueyama所設計,設計偏向簡約款,不過都喺圓形鑽石架留意返,而且價格都好合理,205,000円(約$15,000港幣)。喂!你一個月人工都唔止啦!如果咁你都唔買,我真喺要重新考慮你究竟喺想遲啲先娶我呀定其實唔想同我結婚。

Screen Shot 2018-02-14 at 4.08.37 PM

如果你想再方便啲,咁我就介紹呢個網俾你啦,blue nile喺世界上最大嘅婚戒網絡公司,俾我地自己喺網上揀,由卡數、切割、淨度到成色都可以俾我地自己決定,最重要喺價錢相宜,最平六七千就有交易,我同你食少兩餐日本嘢都喺返到啦,唔好話我港女呀!呢個價錢喺最後防線啦,再講就嬲豬㗎啦!
隨意門喺呢到:https://www.bluenile.com/hk/zh/